مني لانڊرنگ ڪيس، ايف آءِ اي ايم ڪيو ايم اڳواڻن کان پڇاڳاڇا شروع ڪري ڇڏي

ايف آءِ اي خدمت خلق فائونديشن خلاف مني لانڊرنگ ڪيس ۾ ايم ڪيو ايم جي اڳواڻن کان پڇاڳاڇا شروع ڪري ڇڏي آهي، ذريعن موجب ايم ڪيو ايم ۽ خدمت خلق فائونڊيشن خلاف مني لانڊرنگ ڪيس جي جاچ شروع ڪري ڇڏي آهي ۽ ان حوالي سان اڳواڻن کان پڇاڳاڇا پڻ شروع ڪئي وئي آهي، ذريعن موجب اسلام آباد ايم ڪيو ايم جي ڊپٽي ڪنوينيئر نويد جميل کان ڊائريڪٽر ايف آءِ اي مظهر ڪاڪا خيل پڇاڳاڇا ڪئي جيڪا ٻن ڪلاڪن تائين جاري رهي، ذريعن جو چوڻ آهي ته ايف آءِ اي عملدارن ڪنور نويد کان سوال ڪيو ته ڪهڙي نموني پيسا ٻاهرين ملڪ موڪليندا رهيا، پيسا گڏ ڪرڻ جو طريقو ڇا هو، ايف آءِ اي ڊاڪٽر فاروق ستار کي به 23 فيبروري تي طلب ڪيو هو، جڏهن ته هو پيش نه ٿيو، واضح رهي ته ايف آءِ اي ايم ڪيو ايم جي خدمت خلق فائونڊيشن بابت مني لانڊرنگ ڪيس ۾ 10 اڳواڻن کي طلب ڪيو آهي.