ايس ايم اي فائونڊيشن جي وفد جي غوث علي شاهه سان ملاقات

ايس ايم اي فائونديشن جي وفد سنڌ جي اڳوڻي وڏي وزير سيد غوث علي شاهه سان ملاقات ڪئي ۽ فائونڊيشن جي ڀلائي وارن ڪمن کان آگاهه ڪيو، ايس ايم اي فائونڊيشن جي صدر ولي الله خان غوث علي شاهه کي ايس ايم جي فائونڊيشن جي مقصدن کان آگاهه ڪيو، هن ٻڌايو ته ايس ايم اي فائونڊيشن ملڪ ۾ بک، بدحالي ختم ڪرڻ لاءِ عملي قدم کڻي رهي آهي، بيروزگار نوجوانن کي خانگي ادارن ۾ انٽرنشپ ذريعي هنر سيکاريو پيو وڃي ۽ مختلف ادارن ۾ روزگار ڏنو پيو وڃي ان سان گڏوگڏ بيروزگار نوجوانن ۾ ذاتي ڪاروبار شروع ڪرڻ جي حوالي سان شعور پيدا ڪيو پيو وڃي، غوث علي شاهه ايس ايم اي فائونڊيشن جي ڀلائي وارن ڪمن جي ساراهه ڪئي ۽ مڪمل سهڪار جو يقين ڏياريو، هن چيو ته ملڪ مان غربت ۽ بيروزگاري ختم ڪرڻ لاءِ ايس ايم اي فائونڊيشن سان گڏ آهيون، فائونڊيشن جيڪو ڪم ڪري رهي آهي اهو واکاڻ جوڳو آهي، هن چيو ته ڪراچي وانگر ايس ايم اي فائونڊيشن سنڌ جي ٻين شهرن ۾ به پنهنجا ڀلائي وارا ڪم شروع ڪري، ڇو ته سنڌ جي ٻين شهرن ۾ به اهڙن ڀلائي وارن ڪمن جي سخت ضرورت آهي، هن چيو ته خيرپور ضلعي ۾ ايس ايم اي فائونڊيشن جا سکيا مرڪز قائم ڪرڻ ۾ مدد ڪنداسين ته جيئن ڪراچي سميت سنڌ جي ٻين شهرن جو غريب عوام به ايس ايم اي فائونڊيشن جي ڀلائي وارن ڪمن مان فائدو حاصل ڪري سگهي ۽ پنهنجي مستقبل کي روشن ڪري سگهي، فائونڊيشن جي صدر ولي الله خان غوث علي شاهه سان ملاقات ڪئي، ان موقعي تي نواز شاهه به موجود هو.