سنڌ ۾ ڪيترائي اهڙا ڪردار آهن جيڪي ظاهر ناهن ۽ غربت انهن کي اڳيان وڌڻ نٿي ڏئي، سنڌ جا اهي ماڻهو پنهنجي ڪم ۾ مهارت تہ رکن ٿا پر انهن جي سرڪار طور تي ڪا سار نٿي لڌي وڃي، ان لاءِ اهي ماڻهو مايوس رهن ٿا ۽ ڪير بہ انهن کي ان مايوسي جي دلدل مان نٿو ڪڍي، اهڙو ئي هڪ ڪردار محرابپور جو بہ آهي، محرابپور شهر سنڌ جو تاريخي ۽ مشهور شهر آهي ان لاءِ هن شهر بهترين ڪردار پيدا ڪيا آهن،پر وقت ۽ حالتون اهڙن ڪردارن کي نہ سمجهندي پوئيتي ڌڪي ڇڏيو آهي،محرابپور شهر جو رهواسي زبردست آرٽسٽ ۽ ملهہ پهلوان قربان علي موجائي اهم ڪردار جو مالڪ هوندي بہ سرڪار کان وسري ويو آهي، قربان علي موجائي سنڌ جي مختلف شهرن ۾ ڪرتب ڏيکاريا آهن جتان سندن کي ڀرپور داد مليو آهي، پاڻ هڪ ئي وقت ٻہ سائيڪلون ۽ ننڍي آڱر ۾ هڪ سائيڪل ڪيترن ئي منٽن تائين هلائڻ ڄاڻي، پهلوان قربان موجائي پنهنجي فن ۽ طاقت سان مختلف شهرن ۾ وڃي پنهنجي فن جا جوهر ڏيکاريا آهن، قربان موجائي پنهنجي فن سان ٽريڪٽر جي پنج مڻ ڪيڻ بہ کنئي آهي، اٺ مڻ تي مشتمل ٽيوب ويل انجڻ کي پنهنجي پٺاڙن تي کنيون آهي، اهڙن جوهرن سان گڏ آرٽسٽ ۽ پهلوان قربان موجائي بجلي جو ٽرانسفارمر پنهنجي پٺي تي کڻي محرابور سميت ٻين شهرن جي ماڻهن کان داد حاصل ڪيو آهي، هن نواب شاهہ شهر ۾ ساڍا چار ڪلو ڇولا ۽ شربت جي باٽلي بہ پيتي جنهن ڳالهہ شهرين کي حيران ڪري ڇڏيو هو، قربان موجائي اهڙي فن جو مالڪ آهن جنهن تي کيس داد ڏيڻ کان سواءِ نٿو رهي سگهجي، هو سنڌ جو زبردست پهلوان آهي، سنڌ ۾ ٻيا بہ اهڙا ڪردار ضرور هوندا پر قربان موجائي جا مثال الڳ آهن، هو پنهنجي فن ذريعي پنهنجي شهر سميت ٻين شهرن ۾ سڃاڻپ رکي ٿو، پر غربت هُن جي اڳيان اهم رڪاوٽ بڻيل آهن، هڪ غريب آرٽسٽ کي حڪومت وساري ڇڏيو آهي، هو ايترو تہ غريب آهي جو سنڌ کان علاوا ڪنهن ٻئي صوبي ۾ بہ وڃي نٿو سگهي، قربان موجائي فن ۾ تہ امير آهي پر معاشي طور غربت جي هيٺ واري لڪير کان بہ هيٺ زندگي گذارڻ تي مجبور آهي، هڪ وڏي فن جو مالڪ، آرٽسٽ بُک ۽ بدحالي واري زندگي گذارڻ تي مجبور آهي، پهلوان قربان موجائي سرڪار کان ڏاڍو ڏکارو آهي، ڇو جو هُن جي فن جو قدر سرڪار وٽ ناهي، ماڻهن جي اڳيان تہ پنهنجي فن جو مظاهرو ڪري داد حاصل ڪري ٿو پر سندس سرڪاري طور تي قربان موجائي سان ڪو بہ تعاون ناهي ڪيو ويو، جيڪا ڳالهہ هُن لاءِ تمام ڏکاري آهي، سنڌ جي هن ڀلوڙ پهلوان جهڙو شايد ئي ڪو سڄي ملڪ ۾ پهلوان هجي جيڪو اهڙا فن ڏيکاري جنهن سان ماڻهن کي ڏندين آڱريو اچي وڃن، پر اهڙا ڪردار حڪومت جي بيڌياني سبب غربت ۽ بدحالي جو شڪار آهن، پهلوان ماڻهن لاءِ کاڌ خوراڪ جو سٺو هجڻ ضروري آهي پر قربان موجوائي غربت سبب پنهنجي صحت جو خيال بہ نٿو رکي سگهي، ڇو جو قربان موجائي کي غربت وڪوڙي وئي آهي، بدحالي سندس کي بلڪل ويڙهي ڇڏيو آهي ان جو سبب سرڪاري جي بيڌياني آهي، اهڙا ڪردار سنڌ ۾ تمام گهٽ آهن جنهن جي ڪري سنڌ جا شهر مشهور ٿين ٿا، جنهن جي ڪري سنڌ جو نالو مشهرو ٿئي ٿو، قربان موجائي ٻين شهرن ۾ بہ پنهنجي فن جو مظاهرو ڪري پر هُن وٽ ايترو خرچ ئي ناهي جو هو سنڌ کان علاوا ڪنهن ٻئي ملڪ يا صوبي ۾ وڃي پنهنجي فن جا جوهر ڏيکاري، سنڌ جي ٻين ملهہ پهلوانن جيان محرابپور جي ڀلوڙ آرٽسٽ ۽ ملهہ پهلوان قربان موجائي کي بہ سنڌ حڪومت جي مدد جي ضروورت آهي، اهڙن ڪردارن جي سنڌ کي بہ ضرورت آهي، پهلوان قربان موجائي صرف محرابپور جو نہ پر سنڌ جو ملهہ پهلوان آهي، جيڪڏهن سنڌ حڪومت سندس کي قدر جي نگاهہ سان ڏسي تہ قربان موجائي پنهنجي فن سان سنڌ جو نالو سڄي دنيا ۾ روشن ضرو ڪندو، سنڌ حڪومت کي اپيل آهي تہ اهڙن ڪردارن کي اڳيان آڻيو، ثقافت کاتو اهڙن ماڻهن کي اڳيان آڻي، اهڙن ڪردارن جي پرگهور لڌي وڃي ڇو جو سنڌ جي مختلف ڪردارن ۽ غريب آرٽسٽن سميت هن ڪردار کي بہ اوهان جي نظر جي سخت ضرورت آهي، سنڌ ڌرتي کي اهڙ ڪردارن جي سخت ضرورت آهي جنهن سان هن ڌرتي جو نالو روشن ٿيندو.
______________________________________________
No comments:
Post a Comment