احد چيما جي گرفتاري تي سرڪاري آفيسرن جو احتجاج، آفيسن کي تالا هڻڻ جي خلاف سيشن ۽ هاءِ ڪورٽن ۾ درخواستون داخل

اڳوڻي ڊي جي لاهور ڊولپمينٽ اٿارٽي احد چيما جي گرفتاري تي سرڪاري آفيسرن جي احتجاج ۽ آفيسن کي تالابندي جي خلاف سيشن ۽ لاهور هاءِ ڪورٽ ۾ درخواستون داخل ڪيون ويون، لاهور هاءِ ڪورٽ ۾ درخواست گذار مقامي شهري همايون فيض رسول اظهر صديقي ايڊووڪيٽ جي مدد سان داخل درخواست ۾ احد چيما جي گرفتاري تي سرڪاري آفيسرن جي احتجاج ۽ آفيسن جي تالابندي کي چئلينج ڪندي موقف اختيار ڪيو آهي ته سرڪاري آفيسرن سول سيڪريٽريٽ آفيسن کي تالا هڻي پنهنجي حلف سان غداري ڪئي، درخواست گذار جي وڪيل قانوني نقطو اٿاريو ته سول سيڪريٽريٽ جي آفيسن کي تالا هڻي بند ڪرڻ ۽ احتجاج ڪرڻ غير قانوني آهي، ڇو ته قانون موجب سول آفيسر شخصيتن جا نه پر رياست جا ملازم آهي، تنهنڪري عدالت کي اپيل آهي ته احتجاج ڪرڻ ۽ آفيسن کي تالا هڻندڙ آفيسرن خلاف ڪارروائي ڪئي وڃي، صوبائي مئنيجمينٽ سروس جي ملازمن کي هڙتال نه ڪرڻ تي ڊيڄاريو نه وڃي ۽ پنجاب حڪومت کي پابند بڻايو وڃي ته نيب جي ڪاررواين ۾ مداخلت نه ڪري.