گهوٽڪي جــي عــوام انــصــاف خــاطـر ڌڪـا کائـڻ تي مجبور ..!(نادر ڀٽي)

          سنڌ ۾ حق گرندڙ اڪثر روڊن تي ڍڪا کائيندي ڏٺا ويا آهن ، ڪي پنهنجي حق ۽ انصاف لاءِ لٺيون به کاڌيون ، پر انهن کا پنهنجا حق نه ٿا ملن ، اهي ماڻهو ٻاڪاريندا رهيا پر اقتدار ڌڻي هنن جي هڪ به ٻڌڻ لاءِ تيار نه آهي ، ان جو اهم سبب اهو آهي جو سنڌ جا ادارا قبرستان وانگر خاموش تماشائي بڻيل آهن ، ۽ نه ڪنهن جي ٻڌن ٿا ۽ نه وري ڪنهن جو ڀلو سوچن ٿا ، بس نالي ماتر قائم رهڻا آهن ، ، باقي عملي طور ڪم ٻُڙي آهي اهي ادارا حڪومت جي ماتحت آهن ، پر سنڌ حڪومت عوام جي مسئلن کا لاتعلق آهي ، ان جو نشاني اها آهي جو سنڌ جي عوام مسئلن جي حل ،حق ۽ انصاف لاءِ رستن تي احتجاج ڪندي نظر اچي ٿي ، سنڌ جي ماڻهن احتجاجي مظاهرا ڪري ڪري پريس ڪلبن جا آڱڻ آباد ڪري ڇڏيا آهن ، جيستائين ڪو احتجاج سگهارو نٿو ٿئي تيستائين حڪومت ۾ ويٺل ماڻهن جي ڪنن تي آواز نه ٿو پوي ، پر سنڌ ۾ ڪي اهڙا احتجاج به ٿيندا رهن ٿا ، جنهن سان اقتدار ڌڻين جو ڄڻ ته ڪو تعلق ئي نه هجي ، ائين کڻي چئجي ته حڪومت اهو پئي سمجهي ته شايد اهي سنڌ جا ناهن يا ڪنهن ٻئي صوبي ۾ پيا احتجاج ڪن ، سنڌ ۾ هڪ احتجاج اهڙو به ٿي رهو آهي جنهن جو ذڪر ڪرڻ سان ئي اکين ۾ لڙڪ اچي ويندا آهن ، سنڌ حڪومت جي ڪنن تي جوءِ نٿي سري ، ۽ سنڌ جون نياڻيون روزانو روڊن تي ويهي حق ۽ انصاف لاءِ دانهين رهيون هونديون آهن ، پر سندن سنڌ ۾ ڪير ٻڌڻ وارو ناهي ، اهڙا  به احتجاج آهن جيڪي سوين ڏينهن کان جاري هوندا آهن ، پر اقتدار ۾ ويٺل عوامي حڪمران حق ۽ انصاف لاءِ دانهون ڪندڙ سنڌ جي عوام تي رحم ڪرڻ جو بلڪل نٿا سوچن ، بس سوچن ٿا ته رڳو ڪرپشن کي هٿي وٺرائڻ جو وري جيڪڏهن ڪرپشن خلاف ڪير احتجاج ڪري ته حڪومت ان کي “ جمهوريت ” خلاف سازش سمجهي ٿي ، روزانو اخبارن ۾ ڪرپشن جو خبرون پڙهون ٿا ، پر حڪومت پاڻ بچائڻ ۾ پوري آهي ، عوام وڃي کڏ جي تري ۾ ڪري ! هي سڀ هن عوامي حڪومت ۾ ٿي رهيو آهي ، جنهن جو منشور ته اٽو ، لٽو ۽ اجهو آهي پر اصل ۾ سڀ ڪجهه ان جي ابتڙ آهي ، سنڌ ۾ سوين ڏينهن کان جاري انصاف خاطر احتجاج حڪومت جي بي ڌياني ۽ غير سنجيدگيءَ کي وائکو ڪن ٿا ، حڪومت حق ۽ ابصاف خلاف لاءِ ٻڪاريندڙن تي رحم کائي انهن کي پنهنجا حق ڏئي ، پنهنجي منشور تي قائم رهي ، سنڌ ۾ سالن کان سنڌ جو عوام انصاف ۽ حقن خاطر روڊن رستن تي دربدر آهي عوامي حڪومت پنهنجي مينڊينٽ جو سالن کان اهڙو استعمال پئي ڪري جو هاڻي سنڌ جو عوام تنگ اچي وئي آهي ، اليڪشن ويجهو آهي ووٽ جي طاقت سنڌ جي هر ٻڍي ، نوجوان ، امڙين ، ڀينرن وٽ آهي  اهي پنهنجي ووٽ جي طاقت سان اهڙي حڪومت کي رد ڪن جيڪا عوام جي حق ۽ انصاف نه ڏئي سگهي ۽ اهڙي حڪومت چونڊين جنهن جو فيصلو ضمير ڪري ان کي پنهنجو ووٽ ڏين .