ميرپورماٿيلو ۾ استاد پاران شاگردياڻي کي لو ليٽر لکڻ تان ڇڪاڻ

ميرپور ماٿيلو ويجھو جروار ۾ مھراڻ پبلڪ اسڪول جي ماستر جو ھندو برادري سان تعلق رکندڙ شاگردياڻي کي لو ليٽر لکي خفيه جڳھ تي ملڻ جو اظھار ڪري ڇڏيو شاگردياڻي کي ھراسان ڪرڻ جي ڪوشش ھندو برادري جو جروار ٿاڻي آڏو احتجاج مھراڻ پبلڪ اسڪول جي ماستر خلاف ڪيس داخل ڪرڻ جو مطالبو جروار سان تعلق رکندڙ بااثر ڀوتارن جو شاگردياڻي جي وارثن کي خاموشي اختيار ڪرڻ جون ڌمڪيون جروار پوليس ڪابه ڪارروائي نه ڪري سگھي تفصيل موجب ميرپور ماٿيلو ويجھو جروار شھر جي مھراڻ پبلڪ اسڪول جي ماستر خميسو بوزدار پاران مليل اطلاعن موجب ڪيترن ئي ڏينھن کان ھندو برادري سان تعلق رکندڙ معصوم نياڻي ساڪشي ڪماري کي ھراسان ڪرڻ جي ڪوشش ڪندو رھيو پر گزريل ڏينھن ھن شاگردياڻي کي ھڪ لو ليٽر لکي ڪري سندس ھٿ ۾ ڏيئي ڇڏيو ۽ خفيه جڳھ تي ملڻ جو اظھار ڪيو ته ھندو برادري سان تعلق رکندڙ ناري ساڪشي ڪماري فوري طور تي اسڪول ڇڏي گھر پھچڻ ۾ ڪامياب ٿي وئي ۽ گھر وارن کي استاد جي ڪيل بد تميزي جي حقيقت ٻڌائي اھڙي واقعي بعد جروار سان تعلق رکندڙ ھندو برادري جي ماڻھن جروار ٿاڻي آڏو پڻ مھراڻ پبلڪ اسڪول جي ماستر خميسو بوزدار خلاف سخت احتجاج ڪيو پر پوليس ڪيس داخل ڪرڻ کان انڪار ڪري ڇڏيو جنھن بعد جروار سان تعلق رکندڙ بااثر ڀوتارن پاران ناري جي والدين کي خاموشي اختيار نه ڪرڻ جي صورت ۾ سخت نتيجا ڀوڳڻ جون ڌمڪيون ڏنيون پيون وڃن پر آخري اطلاعن تائين ماستر خلاف ڪابه ڪارروائي ڪون ٿي سگھي آھي نه ھي ڪو ڪيس داخل ٿي سگھيو ھيو جروار شھر جي ھندو برادري جي ماڻھن ۾ ماستر خلاف سخت تاءُ پکڙيل ھيو ٻي طرف سياسي ڀوتار مسئلي کي دٻائڻ ۾ مصروف ھيا..